సలాలా:ఒమన్‌ తొలిబడ్జెట్‌ ఎయిర్‌లైన్‌ సలామ్‌ ఎయిర్‌, సలాలా నుంచి ఇండియాకి డైరెక్ట్‌ విమానాల్ని ప్రారంభించనుంది. ఇండియాతోపాటు పలు ఇతర అంతర్జాతీయ డెస్టినేషన్స్‌కి విమానాలు నడపనున్నట్లు సంస్థ ప్రతినిథులు పేర్కొన్నారు. సలామ్‌ ఎయిర్‌ సిఇఓ కెప్టెన్‌ మొహమ్మద్‌ అహ్మద్‌ మాట్లాడుతూ, 2019లో తమ సంస్థ సేవల్ని ఇండియాతోపాటు ఇతర దేశాలకు విస్తరించనున్నట్లు చెప్పారు. అబుదాబీ, కువైట్‌లకు నేరుగా విమానాలు నడుపుతామని తెలిపారాయన. ఇండియా మరియు ఇండియన్‌ సబ్‌కాంటినెంట్‌లోని ఇతర దేశాలకు తమ సేవలను విస్తరించడం ద్వారా ప్రయాణీకులకు మెరుగైన రవాణా సౌకర్యాన్ని తక్కువ ధరకే అందజేయాలన్నది తమ ఆలోచన అని ఆయన వివరించారు.