నార్కోటిక్‌ డ్రగ్స్‌ని సేవించడం, విక్రయిస్తుండడం వంటి అభియోగాలపై ఓ వ్యక్తికి న్యాయస్థానం జీవిత ఖైదు విధించింది. సుప్రీం ఫెడరల్‌ కోర్ట్‌ - అబు దాబీ, కింది కోర్టు ఇచ్చిన తీర్పుని సమర్థించిది. నిందితుడు అరబ్‌ జాతీయుడు. మరిజువానా సహా పలు రకాలైన డ్రగ్స్‌ని నిందితుడు అక్రమంగా విక్రయిస్తున్నట్లు విచారణలో తేలింది. అయితే నిందితుడు, తాను డ్రగ్స్‌ తీసుకున్న మాట వాస్తవమేగానీ, వాటిని సొంత వాడకం కోసం ఉపయోగించాను తప్ప, ఎవరికీ విక్రయించలేదని అంటున్నాడు. కింది కోర్టు ఇచ్చిన తీర్పుని టాప్‌ కోర్ట్‌లో నిందితుడు సవాల్‌ చేయగా, అక్కడా అతనికి చుక్కెదురయ్యింది. స్వాధీనం చేసుకున్న నార్కోటిక్స్‌ని ధ్వంసం చేయాలనీ, అలాగే లీగల్‌ పీజుల్ని కూడా నిందితుడి నుంచి వసూలు చేయాలని న్యాయస్థానం ఆదేశించింది.