రియాద్‌:సౌదీ అరేబియా లో ఉగ్రదాడుల కుట్రను ఆదేశ భద్రతా బలగాలు భగం చేశాయి. పక్కా సమాచారంతో అను మానిత ఉగ్రవాదులు తలదాచుకున్న భవనాన్ని చుట్టుముట్టాయి. సైన్యం కాల్పుల్లో 8 మంది అనుమానిత మిలిటెంట్లు హతమయ్యారు. ఆర్మీ అధికారులు వెల్లడించిన వివరాల ప్రకారం ఖతీఫ్‌ ప్రావిన్స్‌లోని సనాబిస్‌ ప్రాంతంలోని ఓ భవనంలో కొంత మంది అనుమానిత ఉగ్రవాదులు తలదాచుకున్నట్టు సమాచారం అందింది. వీరంతా సౌదీలో పేలుళ్లకు పాల్పడేందుకు కుట్ర పన్నారు. దీంతో,అనుమానిత ఉగ్రవాదుల తలదాచుకున్న భవనాన్ని చుట్టుముట్టామని అన్నారు. సైనికులపై మిలిటెంట్లు కాల్పులకు తెగబడ్డారు. భద్రతా బలగాలు జరిపిన ఎదురుకాల్పుల్లో 8 మంది అనుమానిత మిలిటెంట్లు హతమయ్యారు.