అబుదాబీలో వుంటోన్న కేరళ వలసదారుడు 1 మిలియన్‌ దిర్హామ్‌లను గెల్చుకున్నాడు. దుబాయ్‌లోని ఓ మాల్‌ నిర్వహించిన కాంటెస్ట్‌లో ఈ బహుమతి ఆయన్ని వరించింది. 43 ఏళ్ళ షానవాస్‌ ఈ బహుమతిని గెల్చుకున్న అనంతరం పట్టలేని ఆనందంతో ఉప్పొంగిపోయాడు. తాను యాభయ్యేళ్ళు పనిచేసినా ఇంత మొత్తం సంపాదించేవాడిని కాదేమోనని చెప్పాడాయన. 1997లో పొట్ట చేత పట్టుకుని అబుదాబీ వచ్చాననీ, డ్రైవింగ్‌ లైసెన్స్‌ పొంది డ్రైవర్‌గా జీవనోపాధి పొందుతున్నానని అన్నాడు. ప్రస్తుతం 2,500 దిర్హామ్‌ల సంపాదన తనకు లభిస్తోందని చెప్పాడు షానవాస్‌. మాల్‌ మిలియనీర్‌ క్యాంపెయిన్‌లో భాగంగా ఈ లక్కీ ఛాన్స్‌ షానవాస్‌కి దక్కింది.