షార్జాలోని ఓ బీచ్‌లో స్విమ్మింగ్‌ చేస్తూ ఓ వ్యక్తి ప్రమాదవశాత్తూ మునిగిపోయారు. అతన్ని వెంటనే ఆసుపత్రికి తరలించినా ప్రయోజనం లేకుండా పోయింది. ఘటన గురించి సమాచారం అందుకున్న వెంటనే బాధితుడ్ని ఆసుపత్రికి తరలించడం జరిగిందనీ, అల్‌ కాసిమి ఆసుపత్రిలో అతను మృతి చెందాడని అధికారులు పేర్కొన్నారు. మృతదేహాన్ని తదుపరి విచారణ, ఫోరెన్సిక్‌ పరీక్షల నిమిత్తం ఫోరెన్సిక్‌ లేబరేటరీకి తరలించారు. ఆ పరీక్షల అనంతరం, మృతదేహాన్ని కుటుంబ సభ్యులకు అప్పగిస్తారు. మృతుడ్ని ఆసియా జాతీయుడిగా గుర్తించారు.