దుబాయ్‌ రోడ్స్‌ అండ్‌ ట్రాన్స్‌పోర్ట్‌ అథారిటీ, ఎమిరేట్‌లో పార్కింగ్‌ని హిజ్రి న్యూ ఇయర్‌ సెలవు సందర్భంగా ఉచితం చేస్తున్నట్లు వెల్లడించింది. మల్టీ లెవల్‌ పార్కింగ్‌ టెర్మినల్స్‌ మినహాయిస్తే అన్ని పార్కింగ్‌ ఏరియాస్‌ ముహుర్రమ్‌ 1, 1441 రోజున ఉచితం. మరోపక్క మెట్రో రెడ్‌ లైన్‌ ఉదయం 5 గంటల నుంచి రాత్రి వరకు, గ్రీన్‌లైన్‌ ఉదయం 5.30 నిమిషాల నుంచి అర్థ రాత్రి వరకు పనిచేస్తాయి. ట్రామ్‌ విషయానికొస్తే, శనివారం ఉదయం 6 గంటల నుంచి అర్థరాత్రి 1 గంట వరకు, శుక్రవారం ఉదయం 9 గంటల నుంచి రాత్రి 1 గంట వరకు పనిచేస్తాయి. హ్యాపీనెస్‌ సెంటర్స్‌ సెలవు రోజున మూసివేయబడ్తాయి. స్మార్ట్‌ కస్టమర్స్‌ హ్యాపీనెస్‌ సెంటర్స్‌ - ఉమ్‌ అల్‌ రమూల్‌ మరియు ఆర్‌టిఎ హెడ్‌ ఆఫీస్‌లో 24 గంటలూ పనిచేయనున్నాయి. మెరైన్‌ ట్రాన్స్‌పోర్ట్‌, బస్‌లకు ప్రత్యేక సమయాల్ని సెలవు సందర్భంగా ప్రకటించడం జరిగింది.