రోడ్స్‌ అండ్‌ ట్రాన్స్‌పోర్ట్‌ అథారిటీ (ఆర్‌టిఎ), దుబాయ్‌ ట్యాక్సీల్లో ఉచిత వైఫై మరియు ఇతర డిజిటల్‌ సర్వీసుల ప్రక్రియను టెక్‌ ట్యాక్సీ ఈనీషియేటివ్‌ పేరుతో ప్రారంభించింది. ఇ-హెయిలింగ్‌ ట్యాక్సీ సర్వీస్‌ హలా - కరీమ్‌ లాంచ్‌తో స్మార్ట్‌ సిటీ డ్రైవ్‌ని ఈ కొత్త డిజిటల్‌ సర్వీసెస్‌ మరింత బలోపేతం చేస్తాయని ఆర్‌టిఎ పేర్కొంది. అన్ని ట్యాక్సీలలోనూ టెక్‌ ట్యాక్సీ ఇనీషియేటివ్‌ని అమల్లోకి తెస్తారు. తద్వారా స్మార్ట్‌ ఫోన్స్‌ని వినియోగదారులు వైఫైతో కనెక్ట్‌ చేసుకోవడానికి వీలవుతుంది. అనంతరం ట్యాక్సీ కనెక్ట్‌ని యాక్సెస్‌ చేస్తూ డిజిటల్‌ సర్వీసెస్‌ని పొందడానికి వీలుంటుంది. ప్రయాణీకులు తాను ప్రయాణిస్తున్న మార్గాన్ని సైతం ట్రాక్‌ చేసేందుకు మరింత సులభతరమవుతుందని ఆర్‌టిఎ వర్గాలు వెల్లడిస్తున్నాయి.