దుబాయ్‌ పోలీస్‌ స్కూల్‌ (హెమాయా) కి చెందిన 30 మంది స్టూడెంట్స్‌, 737 బోయింగ్‌ ఎయిర్‌క్రాఫ్ట్‌ని 150 మీటర్ల మేర లాగారు. ఈ ఫీట్‌ని దుబాయ్‌ ఇంటర్నేషనల్‌ ఎయిర్‌పోర్ట్‌లో సాధించారు విద్యార్థులు. ఫ్లై దుబాయ్‌కి చెందిన ఈ విమానాన్ని విద్యార్థులు లాగడం అందర్నీ ఆశ్చర్యపరిచింది. దుబాయ్‌ పోలీస్‌, దుబాయ్‌ ఫిట్‌నెస్‌ ఛాలెంజ్‌ 30I30లో భాగంగా ఈ ఫీట్‌ని విద్యార్థులు విజయవంతంగా పూర్తి చేశారు. పోటీలో పాల్గొన్నవారంతా 15 నుంచి 17 ఏళ్ళ మధ్య వయసున్న విద్యార్థులే. దుబాయ్‌ పోలీస్‌ ట్రైనింగ్‌ అండ్‌ అకడమిక్‌ ఎఫైర్స్‌ అసిస్టెంట్‌ కమాండెంట్‌ మేజర్‌ జనరల్‌ ముహమ్మద్‌ అహ్మద్‌ బిన్‌ ఫహాద్‌ మాట్లాడుతూ, ఈ ఘనతను సాధించేందుకు విద్యార్థులకు అవకాశమిచ్చిన ఫ్లై దుబాయ్‌కి కృతజ్ఞతలు తెలిపారు.