రియాద్‌: మినిస్ట్రీ ఆఫ్‌ జస్టిస్‌, 18 ఏళ్ళ లోపు వయసున్నవారి వివాహాలపై బ్యాన్‌ విధిస్తూ నిర్ణయం తీసుకుంది. వివాహానికి కనీస వయసుని 18 ఏళ్ళుగా నిర్ణయించింది మినిస్ట్రీ ఆఫ్‌ జస్టిస్‌. మినిస్టర్‌ ఆఫ్‌ జస్టిస్‌ అండ్‌ ఛైర్మన్‌ ఆఫ్‌ ది సుప్రీం జ్యుడీషియల్‌ కౌన్సిల్‌ షేక్‌ డాక్టర్‌ వాలిద్‌ అల్‌ సమాని ఈమేరకు ఓ సర్క్యులర్‌ని జారీ చేశారు. చైల్డ్‌ ప్రొటెక్షన్‌ చట్టం ప్రకారం, 18 ఏళ్ళ లోపు జరిగే వివాహాలపై చర్యలు తీసుకోబడ్తాయనీ, ఈ మేరకు రెగ్యులేషన్స్‌ని కూడా పొందు పరిచినట్లు తెలుస్తోంది. మ్యారేజ్‌ కాంట్రాక్ట్‌ చేసుకునే ముందు తప్పనిసరిగా సదరు వ్యక్తి, వయసు విషయమై ధృవీకరణ ఇవ్వాల్సి వుంటుందనీ, పురుషులకీ మహిళలకీ ఈ నిబంధన వర్తిస్తుందని అల్‌ సమాని ఆదేశాలు స్పష్టం చేస్తున్నాయి.