జీహెచ్‌ఎంసీ ఎన్నికలకు నామినేషన్లు నేటితో ముగిశాయి. ఫిబ్రవరి 2న నిర్వహించే గ్రేటర్‌ ఎన్నికలకు ఈనెల 12 నుంచి ఈ రోజు వరకు నామినేషన్లను దాఖలు చేశారు. చివరి రోజు నామినేషన్లు భారీగా దాఖలయ్యాయి. రేపు నామినేషన్లను పరిశీలించనున్నారు. 21న నామినేషన్లను ఉపసంహరించుకోవడానికి అవకాశం కల్పించారు. అదే రోజు అభ్యర్థుల తుది జాబితాను అధికారులు విడుదల చేయనున్నారు. మధ్యాహ్నం 3 గంటల లోపు టోకెన్లు తీసుకున్న వారందరికీ నామినేషన్‌ వేసేందుకు అవకాశం కల్పించారు.