2018తో పోల్చితే 2019లో 30 శాతం అదనంగా వర్షపాతం ఒమన్‌లో నమోదయినట్లు అధికారిక లెక్కలు చెబుతున్నాయి. డైరెక్టరేట్‌ జనరల్‌ ఆఫ్‌ మిటియరాలజీకి చెందిన ఓ అధికారి ఈ విషయాన్ని ధృవీకరించారు. అల్‌ హజార్‌ మౌంటెయిన్స్‌లో 218, దోఫార్‌లో 191, బతినా రీజియన్‌ అలాగే మస్కట్‌లలో 80 మిల్లీమీటర్ల వర్షపాతం సాధారణంగా నమోదవుతుంటుంది.. ఓ ఏడాది సగటున. ఈ ఏడాది అన్ని చోట్లా 30 శాతం అదనంగా వర్షపాతం నమోదయ్యింది. అరేబియన్‌ సముద్రంలో ఏర్పడిన ఆరు ట్రోపికల్‌ సైక్లోన్స్‌ కారణంగానే ఈ మార్పు చోటు చేసుకుందని అధికారులు చెప్పారు.