ఇండియన్ డిప్యూటీ నేషనల్ సెక్యూరిటీ అడ్వైజర్ పంకజ్ సరన్ కు మస్కట్ రాయల్ ఆఫీస్ లో సాదర స్వాగతం లభించింది. సుల్తాన్ బిన్ మొహమ్మద్ అల్ నుమని పంకజ్ సరన్ తో పాటు అతనితో వచ్చిన డెలిగేషన్స్ ను రిసీవ్ చేసుకున్నారు. ఈ సందర్భంగా సుల్తానేట్, రిపబ్లిక్ ఆఫ్ ఇండియా మధ్య సంబంధాలు మరింత మెరుగుపడేలా సహకారం అందిస్తున్నారంటూ సుల్తాన్ నుమనికి పంకజ్ సరన్ ధన్యవాదాలు తెలిపారు. సుల్తానేట్  కృషిని ప్రశంసించారు. ఇండియన్ అంబాసిడర్ కూడా పాల్గొన్న ఈ సమావేశంలో ఇరు దేశాలకు పరస్పర ప్రయోజనం కలిగించే పలు అంశాలపై చర్చించారు. ఇరు దేశాల మధ్య కొనసాగుతున్న స్నేహం మరింత బలపడాలని అకాంక్షించారు.