రియాద్‌: చైనా అధ్యక్షుడు జిన్‌పింగ్‌తో కింగ్‌ సల్మాన్‌ మాట్లాడారు. ప్రపంచాన్ని వణికిస్తోన్న కరోనా వైరస్‌, చైనాలో తీవ్ర రూపం దాల్చిన నేపథ్యంలో, ఈ విపత్కర పరిస్థితిని ఎదుర్కొనే సత్తా చైనాకి వుందని ఈ సందర్భంగా కింగ్‌ సల్మాన్‌ అభిప్రాయపడ్డారు. చైనాకి అవసరమైన మేర సమాయ సహకారాలు అందించాల్సిందిగా కింగ్‌ సల్మాన్‌ హుమానిటేరియన్‌ ఎయిడ్‌ అండ్‌ రిలీఫ్‌ సెంటర్‌కి ఆదేశాలు జారీ చేసినట్లు కింగ్‌ సల్మాన్‌ చెప్పారు. కరోనా వైరస్‌ కారణంగా ప్రాణాలు కోల్పోయినవారి కుటుంబాలకు ప్రగాఢ సానుభూతి తెలిపారు కింగ్‌ సల్మాన్‌. కింగ్‌ సల్మాన్‌, తమ దేశం పట్ల చూపుతున్న సానుభూతిపై చైనా అధ్యక్షుడు జింగ్‌పింగ్‌ కృతజ్ఞతలు తెలిపారు. తాజా లెక్కల ప్రకారం, చైనాలో 563కి పైగా కరోనా వైరస్‌ కారణంగా మరణాలు చోటు చేసుకున్నాయి. 28,013 మంది కరోనా వైరస్‌ బారిన పడ్డారు.