కేరళ:ప్రముఖ గాయకుడు కేజే ఏసుదాస్ సోదరుడు కేజే జస్టిన్ అనుమానాస్పద స్థితిలో మృతి చెందారు. కొచ్చిలోని బ్యాక్ వాటర్స్ వద్ద ఆయన మృతదేహాన్ని పోలీసులు గుర్తించారు. మధ్యాహ్నం 2 గంటల ప్రాంతంలో కొచ్చిన్ వల్లపాడమ్ కంటైనర్ టెర్మినల్ వద్ద ఆయన శవం తేలుతూ కనిపించింది. అయితే జస్టిన్ బుధవారం ఉదయం చర్చికి వెళ్లి.. రాత్రి వరకూ ఇంటికి రాలేదు. దీంతో కుటుంబ సభ్యులు వెతకగా.. వెతకగా... ఎంతకీ దొరక్కపోవడంతో వెంటనే పోలీసులకు సమాచారమిచ్చారు. బ్యాక్ వాటర్స్ వద్ద ఆయన మృతదేహాన్ని గుర్తించిన పోలీసులు, మృతదేహాన్ని స్వాధీనం చేసుకొని, పోస్టుమార్టం కోసం ఆసుపత్రికి తరలించారు. అయితే జస్టిన్ కొడుకు అకాల మరణం చెందడం, ఆర్థిక ఇబ్బందుల నేపథ్యంలోనే జస్టిన్ ఆత్మహత్య చేసుకొని ఉంటాడని కుటుంబీకులు అనుమానిస్తున్నారు. కేజే జస్టిన్ సంగీతకారుడు, రచయిత కూడా.