రియాద్‌:సౌదీ పోలీసులు, ఇద్దరు అనుమానితుల్ని అరెస్ట్‌ చేసినట్లు వెల్లడించారు. రియాద్‌లోని ఓ బ్యాంకు నుంచి డబ్బుని తరలిస్తున్న వాహనంపై దాడి చేసి 1.95 మిలియన్‌సౌదీ రియాల్స్‌ని దొంగతనం చేసిన కేసులో వీరిని నిందితులుగా భావిస్తున్నారు. గత ఏడాది డిసెంబర్‌ 13న ఈ ఘటన జరిగిందని రియాద్‌ పోలీస్‌ డిపార్ట్‌మెంట్‌ అధికార ప్రతినిది¸ లెఫ్టినెంట్‌ కల్నల్‌ షకీర్‌ అల్‌ తువైజిరి చెప్పారు. డబ్బు తరలిస్తున్న బ్యాంకు వాహనంపై ఆయుధాలతో దాడి చేసి, డబ్బుని దొంగిలించి ఫేక్‌ నెంబర్‌ ప్లేట్‌తో కూడిన కారులో నిందితులు పారిపోయారు. ఈ ఘటనలో పాల్గొన్న మరో ఇద్దరు నిందితుల కోసం గాలింపు చర్యలు చేపట్టారు పోలీసులు.