దోహా (ఖతార్): కరోనా వైరస్ వ్యాపిస్తున్న నేపథ్యంలో 14 దేశాలకు చెందిన విమాన సర్వీసుల రాకపోకలపై నిషేధం విధిస్తూ ఖతార్ దేశం సంచలన నిర్ణయం తీసుకుంది. కరోనా వైరస్ వ్యాపించకుండా నివారించేందుకు ముందుజాగ్రత్త చర్యగా భారత్ తోపాటు 14 దేశాలకు చెందిన విమానాల రాకపోకలను తాత్కాలికంగా నిషేధించామని ఖతార్ దేశం ప్రకటించింది. చైనా, ఈజిప్టు, భారత్, ఇరాన్, ఇరాక్, లెబనాన్, బంగ్లాదేశ్, నేపాల్, పాకిస్థాన్, ఫిలిఫ్పీన్స్, దక్షిణ కొరియా, శ్రీలంక, సిరియా, థాయ్ లాండ్ దేశాల నుంచి అన్ని విమానాల రాకపోకలను నిషేధించామని ఖతార్ వివరించింది. కరోనా వైరస్ ప్రబలిన ఇటలీ దేశం నుంచి ఖతార్ దేశానికి విమానాల రాకపోకలను ఖతార్ ఎయిర్ వేస్ గతంలోనే నిషేధించింది.

--రాజ్ కుమార్ వనంబత్తిన(మాగల్ఫ్ ప్రతినిధి,ఖతార్)