అజ్మన్‌ క్రిమినల్‌ కోర్ట్‌, 27 ఏళ్ల ఆఫ్రికా జాతీయుడికి ఆరు నెలల జైలు శిక్ష విధించింది. కేసు వివరాల్లోకి వెళితే, నిందితుడు మసాజ్‌ కార్డుల్ని కారు విండ్‌ షీల్డ్‌లకు అతికిస్తూ పోలీసులకు చిక్కాడు. ఈ క్రమంలో నిందితుడు, పోలీసులపైకి దాడికి దిగాడు. నిందితుడ్ని పోలీసులు అదుపులోకి తీసుకున్నారు. విచారణ సందర్భంగా బాధిత పోలీస్‌ అధికారి, తనను నిందితుడు కొట్టాడనీ, కొరికాడనీ పేర్కొన్నారు. విధి నిర్వహణలో వున్న పోలీస్‌ అదికారిపై దాడి చేసినందుకు న్యాయస్థానం నిందితుడికి 6 నెలల జైలు శిక్ష విధించడం జరిగింది. ఆసియా మహిళ ఒకరు తనకు మసాజ్‌ కార్డుల్ని డిస్ట్రిబ్యూట్‌ చేసే పని అప్పగించినట్లు తెలిపిన నిందితుడు, ఇందు కోసం తనకు 1000 దిర్హావ్‌ులు ఇచ్చినట్లు చెప్పాడు.