సౌదీ అరేబియా:కరోనా వైరస్‌పై పోరులో భాగంగా హెల్త్‌ డిపార్ట్‌మెంట్‌ తప్ప మిగతా గవర్నమెంట్‌ ఏజెన్సీస్‌లో వర్క్‌ స్పేస్‌ అటెండెన్స్‌ని రద్దు చేస్తూ నిర్ణయం తీసుకుంది ప్రభుత్వం. గవర్నమెంట్‌ డిపార్ట్‌మెంట్స్‌లో క్రౌడ్‌ ఎక్కువగా ఓ చోట గుమికూడే అవకాశం లేకుండా చూడాలని సంబంధిత శాఖలకు ఆదేశాలు జారీ అయ్యాయి. ప్రైవేటు సంస్థలు సైతం అవకాశం వున్నంతమేర గుమికూడే ఛాన్స్‌ ఇవ్వకూడదని ప్రభుత్వం సూచించింది. రిమోట్‌ వర్కింగ్‌పై అవగాహన పెంచడంతోపాటు, అలా పనిచేసే అవకాశాల్ని మెరుగుపర్చాలని ఆయా విభాగాలకు ఆదేశాలు జారీ చేశారు అధికారులు. వివిధ దేశాల నుంచి వచ్చే వలస ఉద్యోగుల ఆరోగ్యం విషయమై ఆయా సంస్థలు ఖచ్చితమైన సూచనలు పాటించాలని ప్రభుత్వం పేర్కొంది.