సౌదీ ప్రభుత్వం సూచనల మేరకు, సౌదీ సెంట్రల్‌ బ్యాంక్‌ తమ ఉద్యోగులకు వర్క్‌ ఫ్రమ్ హోమ్ ని అమలు చేస్తోంది. తమ ఉద్యోగులంతా ఇంటి నుంచే పని చేయాలని ఆదేశిస్తూ కీలక నిర్ణయం వెలువరించింది. ఫైనాన్షియల్‌ మరియు బ్యాంకింగ్‌ సిస్టమ్స్ యధాతథంగా పనిచేస్తాయని ఈ సందర్భంగా సౌదీ సెంట్రల్‌ బ్యాంక్‌ పేర్కొంది. సౌదీ పౌరులంతా తమ ఇళ్ళకే పరిమితం కావాలనీ, కరోనా వైరస్‌ తీవ్రత నేపథ్యంలో బయట తిరిగే పనులు మానుకోవాలనీ సౌదీ ప్రభుత్వం సూచించింది. ఫైనాన్షియల్‌ ఇన్‌స్టిట్యూషన్స్‌, సిబ్బందిని తగ్గించుకోవాల్సిందిగా సౌదీ ప్రభుత్వం సూచించడం జరిగింది. కాగా, సౌదీ అరేబియాలో ఇప్పటికే 133 కరోనా పాజిటివ్‌ కేసులు నమోదయ్యాయి.