కువైట్:మినిస్ట్రీ ఆఫ్‌ ఫైనాన్స్‌, అల్‌ కౌట్‌ హోటల్‌లో క్లీనింగ్‌ మరియు స్టెరిలైజేషన్‌ చర్యలు చేపట్టింది. దీన్ని క్వారంటైన్‌ కోసం వినియోగిస్తూ వచ్చారు. కరోనా ప్రభావ దేశాల నుంచి కువైట్‌కి వచ్చేవారిని క్వారెంటైన్‌ చేసే నిమిత్తం అల్‌ కౌట్‌ హోటల్‌ని తొలుత వినియోగించారు. అయితే, క్వారంటైన్‌ చేయబడ్డవారంతా తమ తమ ప్రాంతాలకు వెళ్ళిపోవడంతో, ఈ హోటల్‌లో క్లీనింగ్‌ చర్యల్ని చేపట్టినట్లు మినిస్ట్రీ వర్గాలు వెల్లడించాయి. పూర్తిస్థాయిలో క్లీనింగ్‌ మరియు స్టెరిలైజేషన్‌ అనంతరం హోటల్‌ వర్గాలకు ఈ భవనాన్ని అధికారికంగా అప్పగించేయనున్నారు.

--దివాకర్(మాగల్ఫ్ ప్రతినిధి,కువైట్)