బహ్రెయిన్:కరోనా వైరస్‌ (కోవిడ్‌ 19) తీవ్రతకు అడ్డుకట్ట వేసేందుకోసం పాక్షిక కర్‌ఫ్యూ విధించేందుకోసం బహ్రెయిన్‌ కౌన్సిల్‌ ఆఫ్‌ రిప్రెజెంటేటివ్స్‌ ఓ నిర్ణయాన్ని ఆమోదించింది. ప్రభుత్వం నుంచి ‘గో-ఎహెడ్‌’ నిర్ణయం కోసం ఈ ప్రపోజల్‌ ఎదురుచూస్తోంది. ఈ నిర్ణయం అమల్లోకి వస్తే, కింగ్‌డమ్లోని ప్రతి ఒక్కరూ రాత్రి 6 గంటల నుంచి ఉదయం 5 గంటల వరకు తమ ఇళ్ళకే పరిమితం కావాల్సి వుంటుంది. దీనికి సంబంధించి కొన్ని వెసులుబాట్లు కూడా వున్నాయి. ఇల్లీగల్‌ వర్కర్స్‌కి గ్రేస్‌ పీరియడ్‌ ఇచ్చి, తమ దేశానికి వెళ్ళిపోయేందుకు అనుమతించడం, కోవిడ్‌-19ని ఎదుర్కొనేందుకు ఫండ్‌ ఏర్పాటు చేసి, నిధుల్ని, డొనేషన్లను ఆకర్షించడం, ఇంటి నుండి పని అమలు చేసేలా కంపెనీలకు దిశా నిర్దేశం చేయడం, కరోనా వైరస్‌పై పోరులో బాగంగా వాలంటీర్లకు ఇన్సెంటివ్‌ బోనస్‌ ఇవ్వడం, ఆర్థిక ప్యాకేజీని సంబంధిత ప్రైవేట్‌ సెక్టార్‌ కోసం ప్రకటించడం, స్టూడెంట్స్‌ తరహాలో టీచర్లకు సెలవులు ప్రకటించడం వంటి ఆలోచనల్ని ఈ నిర్ణయంలో పొందుపరిచారు.