బహ్రెయిన్:బహ్రెయినీ న్యాయవాది, ఓ వలసదారుడైన వ్యాపారవేత్తకి మూడు నెలల జైలు శిక్ష విధించింది న్యాయస్థానం. పబ్లిక్‌ ప్రాసిక్యూషన్‌ ఈ విషయాన్ని వెల్లడించింది. సెల్ఫ్ ఐసోలేషన్‌ని ఉల్లంఘించినందుకుగాను వీరికి న్యాయస్థానం జైలు శిక్ష విధించినట్లు పబ్లిక్‌ ప్రాసిక్యూషన్‌ వివరించింది. కరోనా ఎఫెక్టెడ్‌ ప్రాంతం నుంచీ ఈ ఇద్దరూ బహ్రెయిన్‌కి వచ్చారనీ, వారికి 14 రోజులు సెల్ఫ్ ఐసోలేషన్‌లో వుండాల్సిందిగా అథారిటీస్‌ సూచించాయనీ, అయితే న్యాయవాది కోర్ట్‌ రూమ్స్ కి హాజరవుతున్నారనీ, బిజినెస్‌ మేన్‌ బహ్రెయిన్‌ ఇంటర్నేషనల్‌ ఎయిర్‌పోర్ట్‌కి వెళ్ళారనీ తేలింది. కాగా, బిజినెస్‌మేన్‌ని 3 నెలల జైలు శిక్ష అనంతరం దేశం నుంచి బహిష్కరిస్తారు.