మనామా: సెల్ఫ్ క్వారంటైన్‌ని ఉల్లంఘించిన ఓ వ్యక్తికి న్యాయస్థానం నెల రోజుల జైలు శిక్ష, 2000 బహ్రెయినీ దినార్స్‌ జరీమానా విధించింది. లో క్రిమనల్‌ కోర్ట్‌ ఈ తీర్పునిచ్చింది. జనరల్‌ హెల్త్‌ డైరెక్టరేట్‌ వెల్లడించిన వివరాల ప్రకారం, నిందితుడు బహ్రెయిన్‌కి వచ్చిన సమయంలో ఆయనకు కరోనా వైరస్‌ పాజిటివ్‌గా తేలింది. ఆ వ్యక్తి వృత్తి రీత్యా డాక్టర్‌. 14 రోజులపాటు ఇంటి వద్దనే సెల్ఫ్ క్వారంటైన్‌లో వుండాలని సూచించారు అధికారులు ఆ డాక్టర్‌ని. అయితే, క్వారంటైన్‌ నిబంధనని ఉల్లంఘించి తన క్లినిక్‌కి వెళ్ళి పలువుర్ని ఆయన కలిసినట్లు తేలడంతో, ఆయనపై కేసు నమోదు చేశారు. విచారణలో నిందితుడిపై అభియోగాలు నిరూపించబడ్డాయి.

--రాజేశ్వర్(మాగల్ఫ్ ప్రతినిధి,బహ్రెయిన్)