ఎమిరేట్స్‌ ఐడెంటిటీ అథారిటీ (ఇఐడిఎ), ప్రభుత్వ ప్రైవేటు సంస్థలకు అన్ని విధాలుగా సహాయ సహకారాలు అందించేందుకు తగిన ఏర్పాట్లను చేస్తోంది. ఎమిరేట్స్‌ ఐడీ కార్డ్‌తోనే డ్రైవింగ్‌ లైసెన్స్‌, హెల్త్‌ ఇన్స్యూరెన్స్‌, ఏటీఎం కార్డ్స్‌, డ్రైవింగ్‌ లైసెన్స్‌లను అనుసంధానం చేసే దిశగా అన్ని ఏర్పాట్లూ చేసినట్లు అధికారులు వెల్లడించారు. ఐడీ కార్డ్‌లోని స్మార్ట్‌ చిప్‌ ద్వారా అన్ని సేవల్నీ ఒకే కార్డు ద్వారా అందించడం మంచి మార్గంగా అధికారులు చెబుతున్నారు. బ్యాంకులు, ప్రభుత్వ రంగ సంస్థలు 'ఐడీ' కార్డ్‌ ద్వారా సేవలు అందించేందుకు సుముఖత వ్యక్తం చేశాయనీ, సమాచారాన్ని కూడా ఇస్తున్నాయని అధికారులు వెల్లడించారు. కొన్ని కంపెనీలు ఇప్పటికే తమ కార్డుల్ని ఐడీ కార్డ్‌తో రీప్లేస్‌ చేశాయని చెప్పారు. నేషనల్‌ హెల్త్‌ ఇన్స్యూరెన్స్‌ కంపెనీ దామన్‌ ఐడీ కార్డ్‌ ద్వారా ఇన్స్యూరెన్స్‌ వ్యవహారాల్ని కొనసాగించేందుకు ట్రయల్స్‌ కూడా ప్రారంభించింది. ఎయిరేట్స్‌ ఐడీ కార్డ్‌ ప్రతి ఒక్కరికీ ప్రత్యేకంగా ఉంటుందనీ, ఇది లైఫ్‌టైమ్‌ కార్డ్‌ అని అధికారులు చెప్పారు.