దుబాయ్: కరోనా ను కట్టడి చేసేందుకు యూఏఈ ప్రభుత్వం ఎన్నో జాగ్రత్తలు తీసుకుంటోంది. అందులో భాగంగా దుబాయ్ లో  పనిచేస్తున్న కార్మికుల కదలికలపై షరతులు విధించింది ప్రభుత్వం. కంపెనీలు తమ కార్మికులను దుబాయ్ నుండి బయటకు పంపించడానికి ఇకపై అనుమతించరనీ, అలాగే దుబాయ్ బయట నుండి వచ్చేవారిని సైతం అనుమతించబోమని తాజాగా ప్రకటించింది.

ఇదిలా ఉండగా, అబుదాబి కూడా అబుదాబి లో పనిచేస్తున్న కార్మికుల కదలికలపై షరతులు విధించింది ప్రభుత్వం. కంపెనీలు తమ కార్మికులను అబుదాబి నుండి బయటకు పంపించడానికి ఇకపై అనుమతించరనీ, వారి ప్రయాణాన్ని అబుధాబి/అల్ ఐన్/అల్ ధఫ్రా పరిధిలో పరిమితం చేస్తారని, అంతే కాదు, ఇతర ఎమిరేట్ల నుండి కార్మికులు అబుధాబిలోకి ప్రవేశించడాన్ని కూడా నిషేధిస్తుంది అంటూ అబుధాబి మీడియా కార్యాలయం సోమవారం తెలిపింది. 

ఈ చర్య కార్మికుల ఆరోగ్యం మరియు భద్రతను కాపాడటానికి, కరోనా వ్యాపించటాన్ని తగ్గించడానికి నివారణ చర్యగా అభివర్ణించింది మీడియా కార్యాలయం.