కువైట్:కువైట్ ప్రభుత్వం కరోనా కట్టడికి కట్టుదిట్టమైన చర్యలు తీసుకుంటోంది. వైరస్‌ ఉద్ధృతికి అవకాశం ఉండే అన్ని ప్రాంతాల్లో క్రిమి సంహారక (శానిటైజ్‌) చర్యలు చేపడుతున్నారు. ఇక ఇతర దేశాల నుంచి రోడ్డు మార్గంలో వచ్చే వాహనాలు, ట్రక్కుల విషయంలోనూ కువైట్ ప్రభుత్వం తగిన జాగ్రత్త చర్యలు తీసుకుంటోంది. సరిహద్దులోనే వాటిని శానిటైజ్‌ (క్రిమి సంహారక చర్య) చేసి ఆ తర్వాతే దేశంలోకి అనుమతి ఇస్తున్నారు. ఇందుకోసం సరిహద్దు చెక్‌ పోస్టు దగ్గర కువైట్‌ అగ్నిమాపక శాఖ సరిహద్దులోని చెక్ పోస్టులు, విమానాశ్రయాల దగ్గర క్రిమిసంహారక స్టాండ్లతో జెట్టింగ్‌ మిషన్లను ఏర్పాటు చేస్తోంది. ప్రతీ వాహనం ఈ క్రిమిసంహారక స్టాండ్ల ద్వారా వెళ్లగానే అందులోనే రసాయనాలతో వాహనం మొత్తాన్ని స్ప్రె చేస్తారు. పూర్తిగా స్ప్రె చేసిన తర్వాత కువైట్ లోకి అనుమతిస్తారు. ఈ మొత్తం ప్రక్రియ అగ్నిమాపక సిబ్బంది పర్యవేక్షణలో జరుగుతుంది. 

--దివాకర్(మాగల్ఫ్ ప్రతినిధి,కువైట్)