దుబాయ్‌లోని ఓ ప్రైవేటు స్కూల్‌ తమ విద్యార్థుల తల్లిదండ్రులకు అపరిచితుల విషయమై సూచన చేసింది. పేరెంట్‌ కమ్యూనిటీకి ఓ లేఖ రాస్తూ, అందులో అపరిచితుల పట్ల విద్యార్థులు జాగ్రత్తగా ఉండేలా తల్లిదండ్రులు తమ పిల్లలకు తగు సూచనలు ఇవ్వాలని పేర్కొంది. విద్యార్థులను స్కూల్‌లో ఈ విషయమై అప్రమత్తం చేశామనీ, తల్లిదండ్రులు కూడా అప్రమత్తంగా ఉండాలని ఆ లేఖలో పేర్కొన్నారు. స్కూల్‌ గేట్‌ వద్ద ఇద్దరు అపరిచితులు విద్యార్థులకు మాయమాటలు చెప్పి బయటకు తీసుకువెళ్ళారనీ, అదృష్టవశాత్తూ ఎలాంటి హానీ కలగకుండా విద్యార్థులు స్కూల్‌కి చేరుకున్నారని ఆ స్కూల్‌ చెప్పింది. పోలీసులు ఈ ఘటనపై స్పందిస్తూ, ఎలాంటి ఫిర్యాదులూ తమకు అందలేదని అన్నారు. అయితే విద్యార్థుల భద్రత విషయంలో తల్లిదండ్రులు, స్కూలు యాజమాన్యాలూ తగు జాగ్రత్తలు తీసుకోవాలని పోలీసు అధికారులు సూచించారు.