జెనీవా: కరోనా కలకలం ఇంకా కొనసాగుతున్న నేపథ్యంలో పవిత్ర రమదాన్ మాసంలో ఏయే జాగ్రత్తలు పాటించాలనే దానిపై ప్రపంచ ఆరోగ్య సంస్థ కొన్ని ముఖ్య సూచనలు చేసింది. ఎట్టి పరిస్థితుల్లోనూ భౌతిక దూరం పాటించాలని స్పష్టం చేసింది. ఇటువంటి నియమాలకు ఆస్కారం కల్పించే మతపరమైన పద్ధతులను పాటించాలని సూచించింది. మసీదుల్లో హ్యాండ్ శానిటైజర్లు ఎల్లప్పుడూ అందుబాటులో ఉండేలా చర్యలు తీసుకోవాలని కోరింది. ఇక కరోనా భాధితులకు రమదాన్ ఉపవాసాల నుంచి మినహాయింపులు ఉన్నాయో లేదో సంబంధిత నిపుణుల అడగి తగు నిర్ణయాలు తీసుకోవాలని కోరింది. కరోనా అనుమానితులు, బాధితులు హై రిస్క్ గ్రూపుల వారు సామూహిక కార్యక్రమాలకు దూరంగా ఉండటమే మంచిదని అభిప్రాయపడింది.