కువైట్‌ సిటీ: మినిస్ట్రీ ఆఫ్‌ కామర్స్‌ అండ్‌ ఇండస్ట్రీ, ఐసోలేటెడ్‌ ప్రాంతాల్లో నివసిస్తున్నవారికి కర్‌ఫ్యూ నుంచి కొంత ఉపశమనం కల్పించేలా రెన్యువల్‌ పర్మిట్స్‌ జారీ చేసే విషయమై ప్రభుత్వానికి ఓ ప్రపోజల్‌ పెట్టనుంది. ఆయా కంపెనీలకు అవసరమయ్యే కార్మికులకు వెసులుబాటు కల్పించేలా ఈ పర్మిట్స్‌ వుండాలని ఎంఓసిఐ ప్రతిపాదించనుంది. విశ్వసనీయ వర్గాల సమాచారం ప్రకారం, కంపెనీలు కమర్షియల్‌ యాక్టివిటీస్‌ని తిరిగి కొనసాగించేందుకు వీలుగా అవసరమైన కార్మికులకు పర్మిట్స్‌ రెన్యువల్‌ చేయడం లేదా కొత్తగా ఇవ్వడం వంటి ప్రతిపాదనల్ని ప్రభుత్వం ముందుంచనుంది ఎంఓసిఐ. క్యాబినెట్‌లో ఈ విషయమై చర్చ జరగనున్నట్లు తెలుస్తోంది.