మస్కట్:విమాన సర్వీసుల పునరుద్ధరణకు ఒమన్ ప్రభుత్వం సిద్ధమవుతోంది. లాక్ డౌన్ ఆంక్షలను క్రమంగా సడలిస్తూ వస్తున్న ప్రభుత్వం..దేశంలో క్రమంగా సాధారణ జనజీవనం నెలకొనేలా చర్యలు చేపడుతోంది. ఇందులో భాగంగా ఇక త్వరలోనే విమానాల రాకపోకలను కూడా ప్రారంభించే దిశగా ప్రయత్నాలు చేస్తున్నట్లు ఆరోగ్యశాఖ మంత్రి డాక్టర్ అహ్మద్ అల్ సైది వెల్లడించారు. అయితే..సర్వీసుల పునరుద్ధరణకు ముందు కొన్ని కసరత్తులు చేయాల్సిన అవసరం ఉందన్నారు. అవన్ని పూర్తయితే అతి త్వరలోనే విమాన సర్వీసులను ప్రారంభం అవుతాయని ఆశిస్తున్నట్లు మంత్రి వెల్లడించారు. 

--లెనిన్ కుమార్ (మాగల్ఫ్ ప్రతినిధి,ఒమన్)