మనామా:ఓ వ్యక్తి, తన రూమ్ మేట్‌ ATM కార్డుని దొంగిలించి, అందులోని 120 బహ్రెయినీ దినార్స్‌ సొమ్ముని ‘డ్రా’ చేసుకున్నందుకుగాను, ఐదేళ్ళ జైలు శిక్ష ఎదుర్కోవాల్సి వచ్చింది. కేసు వివరాల్లోకి వెళితే, ఓ ల్యాబర్‌ క్యాంప్‌లో నిందితుడు, తన రూవ్‌ు మేట్‌కి చెందిన పర్స్‌లోని ఏటీఎం కార్డుని దొంగిలించాడు. మరోపక్క, బాధిత వ్యక్తి మొబైల్‌ ఫోన్‌కి, సొమ్ము డ్రా చేయడంపై ఎస్‌ఎంఎస్‌ రావడంతో, తన కార్డు కోల్పోయిన సంగతి తెలిసింది. వెంటనే పోలీసుల్ని ఆశ్రయించాడు బాధితుడు. అల్‌ హిద్‌ పోలీసులు విచారణ జరిపి, నిందితుడ్ని అరెస్ట్‌ చేశారు. విచారణలో నిందితుడు తన నేరాన్ని అంగీకరించాడు. 75 బహ్రెయినీ దినార్స్‌ వెచ్చించి గ్రోసరీస్‌ కొనుగోలు చేసినట్లు, 45 బహ్రెయినీ దినార్స్‌ వెచ్చించి మొబైల్‌ క్రెడిట్‌ కార్డ్స్‌ కొనుగోలు చేసినట్లు నిందితుడు తెలిపాడు. నిందితుడ్ని జైలు శిక్ష అనంతరం డిపోర్ట్‌ చేయనున్నారు.