కువైట్:ఓ ప్రైవేటు జెట్‌, కువైట్‌ అంతర్జాతీయ విమానాశ్రయంలో ఎమర్జన్సీ ల్యాండింగ్‌ అయ్యిందని డైరెక్టరేట్‌ జనరల్‌ ఆఫ్‌ సివిల్‌ ఏవియేషన్‌ వెల్లడించింది. కంట్రోల్‌ టవర్‌కి జెట్‌ కెప్టెన్‌ నుంచి మధ్యాహ్నం 3.25 నిమిషాల సమయంలో సమాచారం అందిందనీ, సాంకేతిక సమస్యతో విమానం ల్యాండింగ్‌ అవబోతోందని వచ్చిన ఆ సమాచారం మేరకు తగిన ఏర్పాట్లు చేయడం జరిగిందని డిజిసిఎ వెల్లడించారు. ఆ సమయంలో ఆ విమానంలో ఏడుగురు ప్రయాణీకులు వున్నారు. రన్‌వేపై విమానం కొద్దిగా స్కిడ్‌ అయినట్లు తెలుస్తోంది. ప్రయాణీకులంతా క్షేమంగానే వున్నారని డిజిసిఎ పేర్కొంది.