రియాద్‌: జనరల్‌ అథారిటీ ఆఫ్‌ సివిల్‌ ఏవియేషన్‌ అధికార ప్రతినిది¸ ఇబ్రహీం అల్‌ రవాసా మాట్లాడుతూ, అంతర్జాతీయ విమాన సర్వీసుల పునరుద్ధరణ, కరోనా వైరస్‌ నేపథ్యంలో ఏర్పాటయిన స్పెషల్‌ కమిటీస్‌ రికమండేషన్స్‌ మేరకే వుంటుందని తెలిపారు. డొమెస్టిక్‌ విమాన సర్వీసుల్ని పునఃప్రారంభించేందుకు తీసుకున్న చర్యల్లానే అంతర్జాతీయ విమాన సర్వీసుల విషయంలోనూ వుండొచ్చని ఆయన అభిప్రాయపడ్డారు. డిజిసిఎ మే 31 నుంచి డొమెస్టిక్‌ విమాన సర్వీసుల్ని పునఃప్రారంభించిన సంగతి తెల్సిందే. కరోనా వైరస్‌ నేపథ్యంలో మార్చి 15న అన్ని అంతర్జాతీయ విమాన సర్వీసుల్ని నిలిపివేయడం జరిగింది. ప్రస్తుతం రీపాట్రియేషన్‌కి సంబంధించిన విమాన సర్వీసులే సౌదీ నుంచి, సౌదీ వరకు అంతర్జాతీయ స్థాయిలో నడుస్తున్నాయి.