దోహా:కరోనా వైరస్‌ (కోవిడ్‌ 19) అన్‌లాక్‌లో భాగంగా సినిమా హాళ్ళు అలాగే జిమ్ వంటివాటి సామర్థ్యాన్ని పెంచుతూ ఆదేశాలు జారీ చేశారు. సెప్టెంబర్‌ 15 నుంచి ఈ వెసులుబాట్లు వర్తిస్తాయని సుప్రీం కమిటీ ఫర్‌ క్రైసిస్‌ మేనేజ్‌మెంట్‌ ఓ ప్రకటనలో వెల్లడించింది. సినిమా హాల్స్‌లో సీటింగ్‌ సామర్థ్యం పెంచడం, అలాగే జిమ్ వంటి వాటిల్లో ఎక్కువమందికి అవకాశం కల్పించడం వంటివి తాజా నిర్ణయాల్లో భాగంగా వున్నాయి. కాగా, సెప్టెంబర్‌ 1 నుంచి కొన్ని రిస్ట్రిక్షన్స్‌ని తొలగించడం జరిగింది. సినిమా హాళలలో 30 శాతం వరకు కెపాసిటీని పెంచారు. అయితే, 18 ఏళ్ళ పైబడినవారు మాత్రమే అందులోకి అనుమతిస్తారు. జిమ్ లు అలాగే హెల్త్‌ క్లబ్స్‌, పబ్లిక్‌ స్విమ్మింగ్‌ పూల్స్‌లో 30 శాతం మందికి అనుమతిస్తున్నారు. అయితే, కోవిడ్‌ ప్రికాషన్స్‌ మాత్రం తప్పక తీసుకోవాల్సి వుంటుంది.