రియాద్:సౌదీ వ్యక్తి ఒకరు, పిక్‌నిక్‌ కోసం వెళ్ళి మానవ ఆస్తికలు చూసి తీవ్ర ఆందోళనకు గురయ్యాడు. సౌదీ గవర్నరేట్‌ ఆఫ్‌ అల్‌ కునఫుదాహ్‌ నివాసి అయిన అల్‌ హుస్సేన్‌ అల్‌ హజామి మాట్లాడుతూ, తాను తొలుత ఆ అస్తికల్ని జంతువులకు చెందినవిగా భావించాననీ, అయితే ఆ తర్వాత అవి మానవ అస్తికలని తెలిసి ఆందోళన చెందానని అన్నారు. ఈ ప్రాంతంలో కార్లు విచ్చలవిడిగా తిరుగుతుండడం వల్ల మానవ అస్తికలు చెల్లాచెదురవుతున్యాని ఆయన ఆవేదన వ్యక్తం చేశారు. సంబంధిత అధికారులు, ఆ ప్రాంతంలో తగిన చర్యలు చేపట్టాలని విజ్ఞప్తి చేశారు. అల్‌ కున్‌ఫెదాహ్‌ అథారిటీస్‌, ఆ ప్రాంతానికి అధికారుల బృందాన్ని పంపించనున్నట్లు తెలుస్తోంది.