యూఏఈ:సెప్టెంబర్‌ 25 నుంచి యూఏఈలోని ప్రైవేట్‌ సెక్టార్‌లో పురుషులతో సమానంగా మహిళలకూ వేతనాల అమలు ప్రక్రియ ప్రారంభం కానుంది. ఫెడరల్‌ చట్టం నెం.6, 2020ని షేక్‌ ఖలీఫా బిన్‌ జాయెద్‌ అల్‌ నహ్యాన్‌ ఈ మేరకు విడుదల చేయడం జరిగింది. ఒకే తరహా పనిని పురుషులు, మహిళలు చేస్తున్నట్లయితే, పురుషులతో సమానంగా మహిళలకు వేతనాలు ఇవ్వాల్సి వుంటుందని ఈ డిక్రీ చెబుతోంది. క్యాబినెట్‌ సూచనల మేరకు ఈక్వల్‌ వాల్యూని నిర్ణయిస్తారు. మినిస్టర్‌ ఆఫ్‌ హ్యామన్‌ రిసోర్సెస్‌ ఎమిరటైజేషన్‌ ప్రపోజల్‌ నేపథ్యంలో ఇది అమల్లోకి వస్తోంది.