కువైట్ సిటీ:డెమోగ్రాఫిక్‌ రి-స్ట్రక్చరింగ్‌ బిల్లు ఇటీవల నేషనల్‌ అసెంబ్లీలో పాస్‌ కాగా, ఈ బిల్లు అమలు విషయమై ఆయా వర్గాల నుంచి భిన్న వాదనలు విన్పిస్తున్నాయి. ఈ బిల్లు అమల్లోకి వస్తే, వలసదారుల సంఖ్య పెరుగుతుందనీ, తద్వారా వారి డిమాండ్‌ పెరిగే అవకాశం వుంటుందనీ, అప్పుడు వారికి ఇచ్చే వేతనాలు కూడా పెరుగుతాయని పలువురు నిపుణులు అభిప్రాయపడుతున్నారు. 31,500 లాట్స్‌ కలిగిన హౌసింగ్‌ ప్రాజెక్టు విషయమై కార్మికుల కొరత ఏర్పడితే, అది విపరీత పరిణామాలకు దారి తీస్తుందనే వాదనలు తెరపైకొస్తున్నాయి. పబ్లిక్‌ అథారిటీ ఫర్‌ హౌసింగ్‌ వెల్ఫేర్‌, ముటాలా సిటీ అలాగే అబ్దుల్లా అల్‌ ముబాకర్‌లో పెద్దయెత్తున ఈ ప్రాజెక్టు కోసం ఇళ్ళ నిర్మాణం చేపడుతోంది. చాలామంది వలస కార్మికులు ఇక్కడ పనిచేస్తున్నారు. కొత్త కార్యక్రమాలు చేపట్టడానికి నిబంధనలు అలాగే నిర్ణయాల్లో కొంత వెసులుబాటు వుండాలని ఈ సందర్భంగా పలువురు అభిప్రాయపడుతున్నారు.