మనామా:బహ్రెయిన్‌ అలాగే ఇజ్రాయెల్‌ అధికారులు, ఇరు దేశాల మధ్యా సన్నిహిత సంబంధాలు, పరస్పర సహకారంపై చర్చించారు. చారిత్రక శాంతి ఒప్పందాల నేపథ్యంలో ఇజ్రాయెలీ ఆర్థిక రంగ నిపుణుల బృందం మనామాలో పర్యటించింది. బహ్రెయిన్‌ మినిస్టర్‌ ఆఫ్‌ కామర్స్‌, ఇండస్ట్రీ మరియు టూరిజం జాయెద్‌ బిన్‌ రీద్‌, ఇజ్రాయెల్‌ ఎక్స్‌పోర్ట్‌ అండ్‌ ఇంటర్నేషనల్‌ కోఆపరేషన్‌ ఇన్‌స్టిట్యూట్‌ బోర్డ్‌ చైర్మన్‌ అదివ్‌ బారుచ్‌తో భేటీ అయ్యారు. ఈ కార్యక్రమంలో పలువురు అధికారులు పాల్గొన్నారు. ఇరు దేశాల్లో ఆర్థిక వృద్ధి తదితర అంశాలపై చర్చించారు. పరస్పర అవగాహనతో ఒకరికొకరు సహాయ సహకారాలు అందించుకుంటూ సమిష్టిగా అభివృద్ధి వైపుకు అడుగులు వేయాలని ఇరువురూ తీర్మానించడం జరిగింది.