మనామా:లేబర్‌ మార్కెట్‌ రెగ్యులేటరీ అథారిటీ, సీఫ్‌ మాల్‌ ముహర్రాక్‌ బ్రాంచ్‌లో తమ కార్యకలాపాలు పునఃప్రారంభం కానున్నట్లు వెల్లడించింది. డిసెంబర్‌ 6 నుంచి ఇది అందుబాటులోకి వస్తుంది. కరోనా నేపథ్యంలో తాత్కాలికంగా ఇక్కడి సేవల్ని ఆపివేసిన విషయం విదితమే. ఎల్‌ఎంఆర్‌ఎ ఎగ్జిక్యూటివ్‌ వైస్‌ ప్రెసిడెంట్‌ - రిసోర్సెస్‌ అండ్‌ సర్వీసెస్‌ అష్రాఫ్‌ హఫెజ్‌ ఇమామ్‌ మాఆ్లడుతూ, అవసరమైన ప్రివెంటివ్‌ మెజర్స్‌ని తీసుకుని, ఈ శాఖలో కార్యకలాపాల్ని ప్రారంభిస్తున్నట్లు చెప్పారు. ఆదివారం నుంచి గురువారం వరకు ఉదయం 8 గంటల నుంచి 3 గంటల వరకు ఈ కార్యాలయంలో సేవలు అందుతాయి. ముందస్తుగా ఆన్‌లైన్‌లో అపాయింట్‌మెంట్‌ తీసుకుని, బ్రాంచ్‌ని సందర్శించాల్సి వుంటుంది.