మస్కట్:కోవిడ్ 19 తర్వాత వైరస్ వేరియంట్ల ముప్పు పొంచి ఉండటంతో ఒమన్ అప్రమత్తం అవుతోంది. ఇప్పటికే పలు దేశాల్లో వైరస్ ఉత్పరివర్తనాలు వ్యాపిస్తుండటంతో మళ్లీ ఆంక్షలను కఠినతరం చేస్తోంది. ఇప్పటికే పొరుగు దేశాలతో భూ సరిహద్దులను మూసివేసిన ఒమన్..విమానాల్లో విదేశీ ప్రయాణాలపై కూడా ఆంక్షలు విధించింది. దేశంలోని పౌరులు, ప్రవాసీయులు కొన్నాళ్ల పాటు విదేశీ ప్రయాణాలు మానుకుంటే మంచిదని సూచించింది. అలాగే అన్ని గ్రూప్ ఈవెంట్లపై నిషేధం విధిస్తున్నట్లు ప్రకటించింది. అంతర్జాతీయ సమీక్షలు, సమావేశాలు, స్పోర్ట్స్ ఈవెంట్లు, ఎగ్జిబిషన్లు అన్ని ఈవెంట్లపై నిషేధం అమలులో ఉంటుందని స్పష్టం చేసింది. అలాగే యూనివర్సిటీల ప్రారంభాన్ని కూడా కొన్నాళ్లు వాయిదా వేస్తున్నట్లు వెల్లడించింది. 

--లెనిన్ కుమార్(మాగల్ఫ్ ప్రతినిధి,ఒమన్)