మస్కట్:కోవిడ్‌ 19 నిబంధనల్ని ఉల్లంఘించేవారికి 1500 ఒమన్‌ రియాల్స్‌ వరకూ జరీమానా విధించడం జరుగుతుందని రాయల్‌ ఒమన్‌ పోలీస్‌ ఓ ప్రకటనలో వెల్లడించింది. వివాహాలు, అంత్యక్రియలు తదితర కార్యక్రమాల కోసం బంధు మిత్రుల్ని పరిమితులకు లోబడి ఆహ్వానించేవారు తప్పక కరోనా నిబంధనల్నఇ పాటించాల్సి వుంటుంది. నిబంధనల్ని ఉల్లంఘిస్తే 1500 ఒమన్‌ రియాల్స్‌ వరకు జరీమానాని ఎదుర్కోవాల్సి వస్తుంది. కాగా, కోవిడ్‌ 19 టెస్ట్‌కి నిరాకరిస్తే 200 ఒమన్‌ రియాల్స్‌ జరీమానా విధిస్తారు. హోం లేదా ఇన్‌స్టిట్యూషనల్‌ క్వారంటైన్‌ ఉల్లంఘనకు పాల్పడితే 200 ఒమన్‌ రియాల్స్‌ జరీమానా తప్పదు. పబ్లిక్‌ గేదరింగ్స్‌, వివాహాలు, అంత్యక్రియల్లో పాల్గొని నిబంధనల్ని ఉల్లంఘిస్తే 100 ఒమన్‌ రియాల్స్‌ జరీమానా ఎదుర్కోవాల్సి వుంటుంది. ట్రాకింగ్‌ బ్రాస్‌లెట్‌ని తొలగిస్తే 300 ఒమన్‌ రియాల్స్‌ జరీమానా చెల్లించాలి.

--లెనిన్ కుమార్(మాగల్ఫ్ ప్రతినిధి,ఒమన్)