యూఏఈలో ఉన్న విదేశీయులు పాస్ పోర్టు గడువు ముగిస్తే ఏం చేయాలి? ఎలా రెన్యూవల్ చేసుకోవాలని? ఇలాంటి సందేహాలపై స్పందించిన దుబాయ్ అధికారులు...పాస్ పోర్టు రెన్యూవల్ అవకాశాలను వివరించారు. ' నేను దుబాయ్ లో ఉంటున్నాను.నాకు ఇంకా ఉద్యోగం దొరకలేదు. నా పాస్ పోర్ట్ గడువు వచ్చే నెలతో ముగిసిపోతుంది. నేను రెసిడెంట్ను కాను. యూఏఈలో నా పాస్ పోర్టు రెన్యూవల్ చేసుకోవచ్చా? అంటూ ఓ వ్యక్తి అడిగిన ప్రశ్నకు బదులిచ్చిన అధికారులు..యూఏఈలోని రాయబార, దౌత్య కార్యాలయాలు తమ దేశ పౌరులకు పాస్ పోర్టు రెన్యూవల్ సేవలను అందిస్తున్నాయని వివరించింది. అయితే..యూఏఈ రెసిడెన్సీ వీసా, విజిట్ వీసా ఉండాలని లేదంటే జాబ్ ఆఫర్ మీద వచ్చిన వారు పాస్ పోర్టుతో పాటు ఆఫర్ లెటర్ను కూడా జత చేసి సంబంధిత రాయబార కార్యాలయంలో దరఖాస్తు చేసుకోవాల్సి ఉంటుందన్నారు.