సౌదీ అరేబియా:మక్కా మరియు మదీనా మధ్య హరామేన్ హై స్పీడ్ రైలు సేవల్ని ఈ నెలాఖరు నుంచి పునరుద్ధరించనున్నారు.గత ఏడాది మార్చిలో ఈ రైలు సర్వీసుల్ని కరోనా పాండమిక్ కారణంగా నిలిపివేసిన సంగతి తెలిసిందే.కాగా, సోమవారం నుంచి టిక్కెట్లను ఆన్‌లైన్ విధానం ద్వారా బుక్ చేసుకోవడానికి ప్రయాణీకులకు వీలు కల్పిస్తున్నట్లు అధికారులు తెలిపారు. మక్కా, కింగ్ అబ్దుల్ అజీజ్ ఇంటర్నేషనల్ ఎయిర్ పోర్టు, కింగ్ అబ్దుల్లా ఎకనమిక్ సిటీ మరియు మదీనా స్టేషన్లలో రైలు ఆగుతుంది.