దుబాయ్:సీన్ బర్గెస్ అనే దుబాయ్ రెసిడెంట్, ఏడు ఎమిరేట్స్‌ని కేవలం ఏడు రోజుల్లో నడక ద్వారా తిరిగి సరికొత్త రికార్డు సృష్టించారు. ఉగాండోలో ఆకలితో అలమటిస్తోన్న చిన్నారుల కోసం అడిదాస్ మరియు గల్ఫ్ ఫర్ గుడ్‌తో కలిసి ఆయన ఈ కార్యక్రమం చేపట్టారు. మార్చి 2న అతని ప్రయాణం ప్రారంభమయ్యింది. సౌదీ అరేబియా సరిహద్దు అయిన అల్ ఘువైఫాత్ నుంచి మొత్తం 650 కిలోమీటర్ల దూరాన్ని ఆయన ఏడు రోజుల్లో పూర్తి చేశారు. ఫుజారియా కోస్ట్ వద్ద ఆయన నడక పూర్తయ్యింది. రోజులో 18 గంటల పాటు ఆయన నడిచారు.