కువైట్ సిటీ:కోవిడ్ వ్యాధి నియంత్రణకు కర్ఫ్యూను మరికొంతకాలం పొడిగిస్తున్నట్లు కువైట్ మంత్రి మండలి నిర్ణయించింది. మరో రెండు వారాల పాటు  అంటే ఏప్రిల్ 22 వరకు కర్ఫ్యూ అమలులో ఉంటుందని స్పష్టం చేసింది. అయితే రోజు వారి పాక్షిక కర్ఫ్యూ సమయాన్ని పది గంటలకు కుదించారు. రాత్రి 7 గంటల నుంచి ఉదయం 5 గంటల వరకు కర్ఫ్యూ అమలులో ఉంటుంది. పవిత్ర రమదాన్ మాసాన్ని  దృష్టిలో ఉంచుకుని డెలివరీ సర్వీసులకు సడలింపు ఇచ్చారు. రాత్రి ఏడు గంటల నుంచి తెల్లవారుజామున మూడు గంటల వరకు రెస్టారెంట్లు, కేఫ్లు, కేటరింగ్ సర్వీసులు ఆన్లైన్ డెలివరీ కొనసాగించవచ్చు. రాత్రి 7 గంటల నుంచి 10 గంటల వరకు అవుట్డోర్ ఎక్సర్సైజ్కి అనుమతి ఉంటుంది. పండగ దృష్ట్యా రాత్రి 7 నుంచి మధ్య రాత్రి వరకు షాపింగ్ చేసుకునే వెసులుబాటు కల్పించారు. అయితే ఫ్రీ బుకింగ్ తర్వాతనే షాపింగ్ చేసుకునేందుకు అనుమతి ఇస్తారు.