కువైట్ సిటీ: మినిస్ట్రీ ఆఫ్ హెల్త్, కరోనా వైరస్ పట్ల అప్రమత్తంగా వుండాలని పౌరులు, నివాసితుల్ని హెచ్చరించింది. ప్రికాషన్స్ పాటించే విషయంలో ఎలాంటి అలసత్వాన్నీ ఉపేక్షించే పరిస్థితి లేదని స్పష్టం చేసింది. ప్రస్తుతం ప్రపపంచ వ్యాప్తంగా కరోనా వైరస్ అత్యంత వేగంగా విస్తరిస్తున్న దరిమిలా, అత్యంత జాగ్రత్తగా ప్రతి ఒక్కరూ వుండాలని అప్రమత్తం చేసింది. ఈ నెల 1వ తేదీ నుంచి 23వ తేదీ వరకు గల్ఫ్ దేశాల్లో 832 మరణాలు సంభవించాయి. కాగా, కువైట్ మొత్తం 183 మరణాల్ని నమోదు చేసింది. మొదటి స్థానంలో ఒమన్ 261 మరణాలతో వుండగా, రెండో స్థానంలో సౌదీ అరేబియా 202 మరణాలతో నిలిచింది.