సౌదీ: సౌదీ అరేబియా, బుధవారం తమ క్రీడా మైదానాల్ని తెరుస్తూ నిర్ణయం తీసుకుంది. కరోనా పాండమిక్ నేపథ్యంలో గత ఏడాది క్రీడా ప్రాంగణాల్ని మూసివేస్తూ నిర్ణయం తీసుకున్న సంగతి తెలిసిందే. కాగా, 40 శాతం సామర్థ్యంతో వ్యాక్సినేషన్ పొందినవారికి క్రీడా మైదానాల్లోకి అనుమతించనున్నట్లు మార్చిలో అధికారులు ప్రకటించారు. గడచిన ఆరు నెలల్లో కరోనా బారిన పడి కోలుకున్నవారు, రెండు డోసులు లేదా ఒక డోస్ వ్యాక్సిన్ వేసుకున్నవారు ఈ క్రీడా మైదానాల్లోకి ప్రవేశించేందుకు అర్హులు. 7 ఏళ్ళ పైబడి, 18 ఏళ్ళ లోబడిన చిన్నారులకూ అనుమతిస్తారు. అయితే, వారికి ఇన్ఫెక్షన్ సోకలేదని నిరూపించుకోవాల్సి వుంటుంది.