కువైట్: కువైట్ మినిస్ట్రీ ఆఫ్ హెల్త్, జాన్సన్ అండ్ జాన్సన్ వ్యాక్సిన్ అత్యవసర వినియోగానికి అనుమతినిచ్చింది. అందుబాటులో వున్న శాస్త్రీయ సమాచారం నేపథ్యంలో పూర్తి పరిశీలన చేసి అనుమతులు మంజూరు చేయడం జరిగిందని మినిస్ట్రీ వెల్లడించింది. సంబంధిత డేటా ప్రకారం సామర్థ్యం, భద్రత వంటి అంశాల్ని క్షుణ్ణంగా పరిశీలంచినట్టు డ్రగ్ కంట్రోలర్ అసిస్టెంట్ అండర్ సెక్రెటరీ డాక్టర్ అబ్దుల్లాహ్ అల్ బదర్ చెప్పారు. కువైట్ ఇటీవలే అమెరికాకి చెందిన మోడెర్నా, జాన్సన్ అండ్ జాన్సన్ సంస్థలతో వ్యాక్సిన్ సరఫరా విషయమై చర్చించడం జరిగింది.