సౌదీ: 12 నుంచి 17 ఏళ్ల మధ్య వయస్కులకు కోవిడ్ వ్యాక్సిన్ మోడర్నా ఇచ్చేందుకు సౌదీ ఫుడ్ అండ్ డ్రగ్ అథారిటీ (SFDA) ఆమోదించింది. మోడర్నా ఫార్మాస్యూటికల్ కంపెనీ ఇచ్చిన సమగ్ర డేటా విశ్లేషణ తర్వాత SFDA ఈ నిర్ణయం తీసుకుంది. 12 ఏళ్లు అంతకుపైబడిన వయసు వారిలో మోడర్నా ప్రభావశీలత, క్లినికల్ ట్రయల్స్ డేటాపై పూర్తి నివేదికలను ఫార్మాసూటికల్ కంపెనీ SFDAకి సమర్పించింది. నివేదికలోని అంశాలను పరిశీలించి 12 ఏళ్లకు పైబడిన వారికి వ్యాక్సిన్ ఇచ్చేందుకు సౌదీ అనుమతించింది.