అబుధాబి: ఎమిరేట్స్ టెక్నాలజీ ఇన్‌ఫ్రాస్ట్రక్చర్‌ అభివృద్ధి ల‌క్ష్యంగా అబుధాబి ఎకనామిక్ డెవలప్‌మెంట్ డిపార్ట్‌మెంట్ ఫ్రీలాన్స‌ర్ లైసెన్స్ కేట‌గిరిలో మార్పులు చేసింది.  ఫ్రీలాన్సర్ లైసెన్స్ విభాగంలో కంప్యూటర్ సిస్టమ్స్, సాఫ్ట్‌వేర్ డిజైనింగ్ ల‌ను జ‌త చేసింది. అంటే ఫ్రీ లాన్స‌ర్ లైసెన్స్ ఉన్న‌వారు ఫ్రీ జోన్ల‌లో స్వ‌యం ఉపాధి పొంద‌వ‌చ్చు. ఇందుకోసం ప్ర‌త్యేకంగా లైసెన్స్ తీసుకోవాల్సిన అవ‌స‌రం ఉండ‌దు. అంతేకాదు అబుధాబిలోని కంపెనీలతో పాటు ఫ్రీ జోన్‌లతో ఒప్పందం చేసుకోవ‌టం, స్వ‌యం ఉపాధి ప‌నులు చేసే హక్కు ఉంటుంది. ఈ ఫ్రీ లాన్స‌ర్ లైసెన్స్ కోసం యూఏఈ పౌరులు, నివాసితులు, విదేశీయులు దరఖాస్తు చేసుకోవచ్చు. అయితే ద‌ర‌ఖాస్తుదారులు  తమ నైపుణ్యాలను నిరూపించుకుంనేందుకు విద్య, వృత్తిపరమైన అనుభవానికి సంబంధించిన‌ ధృవపత్రాలను సమర్పించవచ్చు.